2009年最後的一夜

除夕, 冷雨飄飄, 晚飯後, 我們出外遊車河!

今晚, 大溫地區 , 全部交通工具都可免費搭乘!

溫哥華內港燈光璀璨, 中間有白光的建築物是五帆酒店!

碼頭廣場有倒數活動

但是, 現在才6 點25分, 氣溫又低, 我們轉了一圈便回家去了!

芝麻湯丸慶團圓

頃刻之間, 2009年又快要走到盡頭!

一家人難得放假留在家內, 天氣寒冷, 整番碗麻蓉湯丸, 身心俱暖, 誠一樂也!

湯丸皮要搓揉得好,對我來說都有少少難度, 我是逐少加暖水落D粉度,慢慢試才成功的!

12 Days of Christmas

Merry Christmas & A Fruitful 2010 New Year!

I'm up in the sky ,sleeping with the moon & stars!

榴槤炒蟹, 粟子炆雞

榴槤炒蟹, 香濃惹味

今天是冬至, 因少爺們旅行去了, 所以做節都是簡單小炒, 好過要食幾日隔餐飯菜!

金枕頭榴槤, 青蟹兩隻

炒蟹配菜

栗子炆雞

清炒豆苗

人參燉雞湯

近日天氣寒冷, 昨晚風聲呼嘯, 遍體冰凍,良久不成眠!

友人指出我氣血不足, 今早就燉碗人參雞湯,飲飲睇效果如何!

薑蔥蟹煮津白

天氣寒冷, 動物都會自家儲存多些保暖物料的, 聽個魚檔老板話蟹好有膏的,才56元一斤,於是, 買隻($20)來試吓啦!

用薑,蔥和津白來煮, 菜吸收了蟹汁, 超好味呀!

此款菜也可用火鍋滾住來吃的!只要先爆香蟹件, 跟著落洋蔥, 另外火鍋放津白, 上放爆香了的洋蔥蟹件即可!

豬粉腸瘦肉蕃薯粥

豬粉腸含豐富蛋白質,亦有磷. 鈣, 鐵. 維生素甲,乙等, 可用川貝蒸粉腸作治咳食療.

更有治小孩百日咳之功效:

取粉腸一段, 鮮青蔥三條,少許老酒, 洗米水兩碗,慢火煮熟, 取熱湯餵患百日咳小兒, 一日一次,連服三天即癒(福建中醫藥雜誌)

大人熱咳, 肺燥, 口臭, 便秘, 頭暈,用粉腸十兩, 金針,雲耳煲湯,可止咳除煩!

製作粉腸小心得:

在製作粉腸時一定要去油膜, 否則會吸收過多脂肪! 外出食及第粥只有兩三寸粉腸,又有梳打粉味; 自己整時,我先把粉腸出水, 然後剪開,洗走腸管的潺, 則可吃得放心和盡興了!

紅燒豬肉

炆豬肉要想夠風味, 一定要唔怕肥才可!

當中最關鍵的步驟就是把豬肉慢火煎香, 把油份逼出來, 再用這些豬油爆香薑絲,紅蔥頭,蒜瓣等等,加入生抽, 冰糖, 紅麴(可以用麵豉醬/ 南乳...代替), 八角, 喜歡辛辣可加辣椒及清湯一大碗,同燜約廿分鐘,豬肉腍身(豬肉用筷子輕易穿插)即成!

拉麵簡餐

今天不吃肉了, 用紫菜,西洋菜灼湯煮拉麵, 加兩隻炒滑蛋, 咁又一餐啦! 係咪好慳皮哩!

即磨鮮豆漿

出街食野有時好想飲杯豆漿, 但往往唔係太甜就係無乜豆香味!

一於自己浸黃豆煲吧! 咸甜隨意!

D豆渣又可用來煮麥皮或整麵包的!

 

泰式XO醬炒芥蘭豬柳

泰式XO醬口味濃郁, 炒芥蘭,炒肉類醒神開胃, 配紅蘿蔔令XO醬更和味,又可減少用糖的份量!

紅莓牛奶麥皮

 

近年來的研究發現，小紅莓富含抗氧化的多酚類物質，適當服用有增強免疫系統、防止泌尿感染的作用。

牛奶麥皮加些小紅莓乾, 酸酸甜甜, 醒胃降膽固醇!

菠蘿芝士腸燴豬柳

日常飯菜, 不外乎豬肉, 牛肉, 魚...等等, 今天用芝士腸來炒個豬柳肉, 加埋菠蘿, 西芹, 這樣, 既可幫助排毒, 又有新口味了!

蛋白杏仁茶

冬天天氣乾燥，磨個杏仁茶，加隻蛋白，好滋潤呀！