滿月喜宴2010,OCT.

  宴會前,水吧任飲任食

侄子去年夏天新婚,今年升任DADDY了.恭喜!

嘩!  BB 女叫我姑婆...哩! 估唔到咁快就升級呀!

    賓客聚首一堂,喜氣洋洋

 太婆唱K助慶 ,我梗要奉陪哩!

    紅雞蛋是侄兒親手做, 抵讚呀!

菜單是葷素平衡,食物重自然風味,採用可持續發展食材為主

  國金四喜拼

    竹笙野菌卷

  花膠燉日月魚湯

    桂花糕拼燕窩蛋塔

最好味是帶子炒蝦球,炒班球,雲吞和合桃露湯圓了!掛住食,唔記得影相囉!

雖然沒有魚翅,鮑魚...也食得飽足呢!

簡易梅菜扣肉

百佳豬腩肉平賣,揀塊比較瘦的,做味梅菜豬肉吧!

做法:

1.豬腩肉切厚件,落生抽醃十多分鐘,熱油鑊,把豬肉慢火煎香兩面後,盛在湯碗中.

2.用鑊中煎豬肉的油,爆香蒜粒兩匙,冰糖一湯匙,南乳一茶匙,梅菜半碗(要先浸洗淨,切粒),炒香約一分鐘,落酒一匙,上湯一碗,煮滾,把汁料放湯碗中的豬肉上

3.入蒸鍋蒸一小時,取出,把汁倒入小鍋中,打生粉獻(如不想打獻,此步驟可省掉),落青蔥,淋在扣肉上,即成.

芹香鯇魚

回來梗係要食鯇魚啦!

脆肉鯇略為煎香,落糖和豉油各一湯匙,水一碗,煮5 分鐘,再落埋芹菜滾起,落青蔥滾多一滾,搞掂!

黃薑洋蔥雞

本來,煮黃薑粉菜式,落椰汁就十分好風味,不過, 唔想食椰汁咁重脂,只用黃薑粉一樣OK!

冰鮮雞一只,一餐食不完,第日又食, 用這種做法就愈食愈好味了!

據說,黃薑在中國及印度被用作傳統的醫療用途,包括對抗炎症、促進傷口癒合及減少痛楚等。

材料:

冰鮮雞一只, 西芹,紅蘿蔔,洋蔥適量,黃薑粉一匙

做法:

1 雞起肉(去皮隨意),用刀背刴幾吓, 薑汁,豉油,糖,生粉拌勻

2 熱油鑊,落紅蔥頭,薑片爆香雞肉, 放黃薑粉,兜勻,放紅蘿蔔片和水半碗,大火煮滾,再放西芹和洋蔥兜勻,滾起,試味即成.

紅燒茄子肉片

回來很累,買些易洗的,又少食的茄子就最省功夫了!

外出食紅燒茄子是有落辛辣料來煮,但我不太吃辣,自己煮都沒有落辣椒!

材料:

 茄子2條. 豬肉十元.  葱$1. 紅椒半個. 黑芝麻適量

紅燒汁料:

老抽加糖各一匙. 少少豆瓣醬(隨意),水一匙.

做法:

1. 豬肉切片,以生抽、老抽、糖、生粉及麻油來醃。
2. 茄子切斜角,少油略炸一炸,即兜起，然後置於厨紙上索油。
3. 豬肉片用油炒香。 加入紅燒汁、茄子及紅椒一齊炒。
4. 加蓋煮約三分鐘至茄子入味. 落蔥段,麻油等兜勻,灑些黑芝麻, 即可上碟。

清湯浸哈利拔魚

哈利拔當造, 食完又食, 有益呀!

今晚用上湯,薑片,洋蔥一同滾一滾,即熄火浸十來分鐘, 這樣浸熟,又滑又好魚味呢!

香蔥哈利拔

哈利拔(又名比目魚) 魚味濃郁, 肉質滑而魚油(奧米加三)重,每100克魚有0.517克Omega-3, 是既美味又有益的深海魚!

大家都知道魚油中的EPA & DHA對人體十分有益, 除此之外,  它還有硒,鉀,維他命B12和B6!

鮮茄西芹牛柳卷

今次整牛柳卷,改用牛柳肉片而唔用肥牛和金針菇,因為怕肥,家中又沒有金菇!

中間夾了嫩西芹幼條和番茜,味道清新,幾爽口, 一咬就掂!

煎蛋牛柳粒

今晚煮牛柳粒,還煎了三隻蛋, 這樣大老爺不用費勁咀嚼都可食到了!

車厘子.果醬 & 養生早午簡餐

車厘子做果醬真未試過! 因為我總認為味道會似咳藥水多d!

大造買了很多,食唔切, 惟有用來整果醬!

哈! 想不到竟然好香甜美味!

車厘子,士多啤梨乳酪加芝士 & 花生醬加車厘子麥包

& 香蕉蛋糕

            黑芝麻牛奶麥皮加車厘子果醬