今次做的燒肉, 用了先蒸後烤的方法.
這蒸豬肉代替汆水的方法, 是由舊同學MAY想出來的!
烤出來的燒肉, 一點也不嚡, 肉質爽甜, 好多汁啊!
做法:
1. 豬肉洗淨, 用五香粉, 蒜粉, 粗鹽塗勻肉身,
皮不要塗料,醃最少2小時(我放雪櫃下格,醃過夜)
2. 猛火蒸25分鐘,取出, 用厨紙抹乾, 然後插豬皮, 插得愈多孔愈烤得脆皮,
1/4茶匙梳打粉加一匙幼鹽塗抹豬皮; 肉用蒜泥塗勻,放通風處風乾2小時以上.
3. 預熱烤箱410度F, 豬皮向上, 肉和烤盆之間
放些西芹老枝等蔬菜, 防黐底,烤30分鐘, 轉上火, 約烤5分鐘,爆透皮即可.
因為買唔到插豬皮的用具, 我還自製了一個針插!
代替用叉子插豬皮, 這個鐵釘加開罐蓋掩, 操作暢通無阻,
省了許多氣力哩!
燒肉買相好得! 自製針插也好得! 我是用插花用的花座作針插的。
回覆刪除[版主回覆03/17/2012 10:25:36]多謝了!.^ O ^...係噃!妳好醒呀!...我有都唔識用哩!..
睇到我好想整燒肉食呀!
回覆刪除[版主回覆03/17/2012 10:29:18]整啦, 一家大小都鍾意架!
咁多功夫! 都係咪攪我 , 買番嚟乾手淨脚 !
回覆刪除[版主回覆03/17/2012 10:30:50]珊瑚, 好易架咋, 妳睇吓D步驟先話簡單啦!
週日有個愉快的假期阿老友記,
回覆刪除有時候你只需要20秒鐘瘋狂的勇氣~我保證,一定會有好的結果
....♥*♥...•*,我又有新的手繪漫畫發佈 , 如果得閒黎我個YAHOO BLOG 睇下
[版主回覆03/18/2012 08:47:22]Thx!
叻 叻 !!
回覆刪除[版主回覆03/19/2012 08:40:56]翠兒, 多謝妳的讚賞哩!..我最鍾意DIY...媽媽話似老豆呀!.,祝週一愉快!
啖啖肉喎
回覆刪除我最近到利苑 食燒腩仔.
底下的肉cut了一大半,連皮1吋厚,
冇肉食呀!
[版主回覆03/20/2012 02:57:15]玲姐,多謝妳欣賞啊!..這個方法目前是最好食又易做的了!...昨天有新開張店舖, D燒肉又鞋又無汁...唉!利苑既食物精緻得驚人, 價格又超級, 上次和家人去食咗6千幾, 都無乜靚正野食, 只係炒帶子有水準,另外,有一只南非蟹, 都不及奄仔蟹好食!...平時, 幾個人去飲茶都成3百幾找數, 幾碟點心,一碟燒腩仔咋!
吓...6千都無咩靚正.
回覆刪除我最近一家幾口,食左千幾.
得個(赤)字....仲要預早成個星期訂坐.
我早知 道就去尖沙咀, 金殿XX /利寶XX啦!
[版主回覆03/25/2012 11:05:31]我都覺得唔係咁值囉!
嘩！你個針插好勁！我無這些東西，用普通叉都可以
回覆刪除[版主回覆04/05/2012 05:33:09]我以前都用叉架!......現在睇到一個網友話不用插針都皮脆肉滑啊! http://blog.yahoo.com/agneswong95/articles/598284/category/%E9%AD%94%E6%80%AA%E4%BB%94%E6%84%9B%E5%90%83%E7%AF%87