鮑魚兩食

 

        近日,正值考試期,是莘莘學子最忙碌的時候,

我家的少爺仔晚晚要趕PROJECT和溫書,好容易上火和削弱抵抗力的!

好! 今天就煲鮑魚,准山,蓮子,苕實湯給他飲,滋陰降火啊!

材料:

澳洲青邊鮑半磅(一隻), 元貝八粒,雞肉,豬肉各半斤, 火腿二兩,准山,蓮子,苕實適量.

做法:

1. 鮑魚解凍後, 除去腸臟,用幼鹽和生粉搓洗乾淨,放入薑 蔥蝦眼水內汆水.

2.元貝及 准山等煲湯藥材先用清水浸軟(最少浸兩小時)

3. 雞肉,豬肉同出水,洗淨血污. 火腿汆水.

4.以上材料放進四公升滾水內大火煲15分鐘, 轉中小火煲六小時, 去油,放鹽調味即可享用.

註:

1.汆水: 即將材料放入滾水內燙一燙,一兩分鐘後取出

2. 如果想雞肉,豬肉,元貝等好食, 可於湯滾後一小時取出.

另外,鮑魚煲好了, 可切片紅燒!

做法:

1. 燒熱油鑊,下薑片及紅蔥頭片,爆香後落鮑片,炒兩炒,

2. 落(生抽,老抽,黃糖,豆粉各一茶匙,水3湯匙)獻,煮至汁液收乾(約5分鐘, 邊煮邊兜).

3. 最後落半匙燒酒,麻油,青蔥和芫茜,兜勻即成!