廁所通常在你措手不及的情況下塞了, 怎麼辦 ?
我家的坐廁就試過在大年初一塞了 ! 通渠師傅也call 唔到 !
好在我平日抄抄埋埋有唔少家事常識資料, 總算大派用場 !
通廁所方法 :
*AXE 黃色長方大膠罐洗潔精倒 四份一出來, 加約100ML 水, 搞勻,*
倒入廁盆, 用洗廁所刷猛力搞起泡, 愈多愈好,
跟住沖廁, 聽到 " 咕嚕咕嚕" 聲, 便大功告成 * !
註釋 :
*如果廁所塞滿, 便要先行把垃圾清理, 太多水便要先盛起, 只可以比
平常水位多少少, 最好戴上黑膠手套, 沒有膠手套用大膠袋也可以, 深入廁
渠探看有沒有硬物, 清理妥當, 才倒入洗潔精.
*一次不通, 就要重覆再做 !
*採用AXE 洗潔精(沒有收廣告費的)是貪其夠杰, 其他洗潔精也許得.
鳴謝岑老師提供資料.
你好！多謝你的分享。我家住二樓隔月就有塞廁問題，想藉此分享一下「驚心動魄的經驗」 - 垃圾要儘量清理，先按掣沖水，跟著用廁所泵連空氣直插去水位，通幾下之後廁所水應連水帶「剩餘物資」如常沖走。如方法正確，一兩次就完成。
回覆刪除[版主回覆12/09/2008 10:53:00]Hi, 歡迎光臨 !
咁啱得咁蹺, 我都係住二樓呀 !
嗰一次 , 清理咗D 垃圾, D水都唔去. 惟有用洗潔精呢個
方法才能解決 !
十分感謝!!如果唔係成晚都儲住兜水喺馬桶...
回覆刪除[版主回覆01/26/2012 03:43:20]Yeah!不必言謝!..希望對你有幫助啦!
今日零晨12點幾個廁所無啦啦塞咗，屋企個個瞓晒覺，真係叫天不應叫地不聞。試過好多方法都不行，後來search到你個blog，即管試下，點知一次就得。真係好多謝你呀。^_^
回覆刪除[版主回覆06/22/2013 12:26:35]唔使客氣!
好有效，十分感謝你幫了大忙，昨晚半夜被老公罵，今早用你的方法搞定了太好了
回覆刪除[版主回覆06/22/2013 12:28:55]不必言謝!
為什麼被老公罵?是妳弄塞的嗎?
是我弄塞的，因為我鼻敏感放多了廁紙，平常沒事的，今次突然塞了，又沒有買廁所泵備用，謝謝你^_^
回覆刪除[版主回覆06/23/2013 17:23:41]鼻敏感好辛苦的,請保重!